Patay ang piloto ng isang private helicopter na pag aari ng Pacific Spotters Corporation, habang sugatan naman ang dalawang kasama nito, matapos mag crash ang naturang aircraft sa Clarkfield kahapon.
Kinilala ang nasawing piloto na si Diosdado Lumanlan 59 anyos at residente ng Pasig.
Habang ang dalawang kasama nitong pawang aircraft mechanic na nakaligtas, subalit nagtamo ng injury ay sina Ivan Abitong at Rodly Jasper Esogon.
Sa report ng mga otoridad, napag-alaman na nagsasagawa ng ground ran ang mga biktima, nang biglang umangat ang helicopter.
Naka talon ang dalawang aircraft mechanic, subalit naiwan ang piloto.
Patuloy pang iniimbestigahan ngayon ang naturang insidente.
