NAGISA sa sesyon ang labaw sa GenSan City Veterinary Office sa isyu sa dugay nga paggula sa resulta sa blood sample gikan sa mga baboy. Giimbita ni Konsehal Kan Balleque si Dr. Emilio Gargaran Jr, City Veterinary Officer.
Lakip si Dr. Jennifer Bulawan, laboratory chief ug focal person sa Department of Agriculture (DA-12) aron pangutan-on sa lakang nga gihimo kalabut sa problema sa African Swine Fever (ASF). Apan wala katambong si Bulawan, hinungdan nga si Gargaran ang napangutana una sa legal nga basehan sa pagpahigayon culling.
Dugay nakatubag si Gargaran apan sa ikaduhang pagbutyag ni Balleque sa pangutana. Nagkanayon kini nga basehan nila sa gihimong prevention and control mao ang memorandum circular gikan sa DA. Lakip ang city ordinance no.3 series of 2020 asa napatik ang pagpahigayon og culling ug surveillance kung dunay positibo sa ASF nga baboy.
Nadugay ang sesyon sa maong hisgotanan, human nga wala gilayong matubag sa maong opisyal ang pangutana kalabut sa dugay nga paggula sa resulta sa gihimong blood sampling.
Una nang, mikalampag ang pipila ka backyard hog raisers sa Barangay Ligaya ug ubang barangay sa GenSan. Human nga dugay nilang nasayran ang resulta sa gikuhang blood sample nga gikuha sa CVO sa ilang mga baboy. Dungan sa pagpositibo sa tulo ka baboy sa usa ka farm sa Barangay Baluan atong Hulyo. I Richel Gubalani
