Raya eon ro tiempo agud magguwa ag magpabakuna.
Raya ro naging mensahe ni Kalibo Vice Mayor Dr. Cynthia Dela Cruz bilang anang pagsuporta sa bag-ong kampanya it national government nga PinasLakas Vaccination Campaign.
Para sa bise alkalde nga isaea man ka doktor, sayud nana ag nagapati imaw sa epekto it bakuna para maabot ro kadaeag-an kontra sa covid-19.
Gin-eksplikar pa ni Vice Mayor Dela Cruz nga naintindihan nana ro mga nahadlok nga magpabakuna o magpa booster.
Pero ginpasiguro kara nga ro mga nababatyagan pagkatapos it bakuna hay insigida man nga maduea ag pamatuod eamang raya nga naga epekto eon ro proteksyon daea it bakuna sa eawas it tawo. / ANN DESLENE SALAZAR
