Narekord sa Western Visayas ro pinakauna nga daywa ka mga kaso it BA.2.75 o Centaurus COVID-19 subvariant sa nasyun.
Base sa pahayag it Department of Health (DOH) sambilog sa mga natapnan nga indibidwal hay partially vaccinated samtang ro sambilog man hay uwa pa nabakunahan.
Sa presente, padayon man ro verification it taeatapan sa exposure, travel history, ag health status it daywa ka kaso.
Pero base man kanda, ro mga indibidwal nga gintamaan kara hay na-tag eun bilang “recovered”
Ro BA.2.75 hay una nga nakit-an sa India ku Mayo 2022.
Base sa mge eksperto, mas makataeapon ag mas evasive ro bag-ong variant kumpara sa iban pa nga mga sublineage it Omicron./JIL B. LACSON
