Naka angkon it tamat pag-eabo sa naga kasari-saring parte it kaeawasan ru sangka senir citizen saboundary itBrgy. Ochando at Dumaguit, New Washington, Aklan.
Nakilaea ru biktima nga si Alyas Loloy Blanco, 60-anyos residende it nasambit nga lugar samtang ru suspek hay nakilaeang si Elmer Talas, 44-ayos it Brgy. Dumaguit, New Washington, Aklan.
Naka angkon it tamat pag-eabo sa li-og, uyahon, butkon ag paead it alima ru biktima.
Sa initial nga imbistigasyon, naugot sigun ru biktima dahil sa masangag nga tambucho it motorsiklo nga naga-agi sa andang lugar.
Bago natabo ru insidente, una eon nga nag komperontahan ru biktima ag suspek hasta nga nagbaeaywan rason nga nalipong ru suspek.
Matapos ru sigundos, nakabaeos ru suspek ag ikara gin eabo ru biktima.
Eagi man nga gin respondihan it MDRRMO-New Washington ru insidnete ag gin daea sa hospital ru biktima.
Samtang, kulong sa makaron ru suspek sa New Washington MPS.//MARIVIC Y. ILIN
