Ginpasidunggan it LGU Kalibo pinaagi it Municipal Nutrition Council ro mga Barangay Nutrition Scholars ag Barangay Nutrition Council para sa dag-on 2021.
Raya hay bangud sa andang suporta sa kampanya it gobyerno nga mapamayad ro nutrisyon samtang padueong ro nasyun sa new normal bangud sa covid-19.
Ginpatigayun ro pasidungog sa pagtapos it Nutrition Month Celebration ku buean it Hulyo.
Ro Best Performing Barangay Nutrition Scholar 2021 nga ginkilaea it banwa it Kalibo hay sanday Christina Dela Cruz, BNS it Buswang Old ag Christy Saria, BNS it Barangay Poblacion.
Samtang ro Best Performing Barangay Nutrition Committee 2021 hay ro Brgy. Poblacion, Kalibo. / ANN DESLENE SALAZAR
