May waeong person of interest eon ro mga otoridad sa natabong sunog sa may Brgy. Batuan, Ibajay, Aklan ku nagtaliwan nga Sabado it gabii.
Matandaan nga tatlong motorsiklo ag sangka tricycle ro nasunog nga ginapatihan nga ginhungod nga sinunog.
Ro nasambit nga mga motorsiklo ag tricycle hay ginapanag-iyahan ni Marlon Salido it nasambit nga lugar.
Samtang, may sangka menor de edad ro nag ako nga plano it andang grupo nga takawan eamang it gasolina ro mga motorsiklo ag bangud sa madueom ro lugar hay nagsindi sanda it lighter rasun agud magtapik ro kaeayo ag nasunog ro nasambit nga mga behikulo.
Sa makarun hay padayun pa ro ginahimo nga imbestigasyun it mga otoridad sa insidente ag posibleng magpangatubang sa kasong arson ro mga responsable. / ANN DESLENE SALAZAR
