Padayon gihapon ro pagtaas it kaso it mga indibidwal nga ginatamaan it COVID-19 virus sa bioeg nga probinsiya it Aklan.
Base sa pinakaulihi nga datos, ro seven-day positivity rate it probinsiya hay sa 34%, mas mataas raya it 4% sa nagtaliwan nga pitong adlaw.
Sa 193 COVID-19 specimen test ku Hulyo 15 hasta 21, 58 ro nagpositibo, nga naging rason agud makaangkun it 30.5% rate.
Samtang, may 238 test man nga ginhimo ku Hulyo 22 hasta 28 kung siin nagtaas pa sa 34% ro positivity test rate it Aklan.
Tumaas man sa 180% ro numero it hospitalization ku nagtaliwan nga dominggo.
Ro mga aktibong kaso sa Aklan hay narekord sa banwa it Kalibo nga may 20, ginsundan it Malay nga may 12, Nabas nga may 7, Numancia ag Ibajay nga may an-um nga impeksyon.
Ginapahanumduman ro publiko nga padayon nga pagasundon ro health protocol agud malikawan ro pagkaeat it Covid-19 virus./JIL B. LACSON
