Bahagya nang makapagluluwag ng sinturon ang ating mga KaBrigadang motorista dahil asahang muli ang panibagong round ng bawas-presyo sa mga produktong petrolyo sa susunod na linggo.
Ayon kay Department of Energy – Oil Industry Management Bureau Dir. Atty. Rino Abad, posible ang hanggang P4.00 na tapyas sa kada litro ng gasolina.
Asahan na rin ang piso hanggang dalawang pisong rollback sa kada litro ng diesel.
Wala namang inaasahang paggalaw sa presyo ng kerosene.
Mag-aanunsyo ang mga oil companies ng eksaktong price adjustment sa Lunes, habang ipatutupad naman ito sa araw ng Martes.
