Sa early state of decomposition eun kat makit-an ro eawas it sangka eaeaki sa anang kwarto sa Brgy. Taal, Molo, Iloilo.
Base sa imbestigasyon it mga otoridad, ro persona hay ginabanta nga sa 27 hasta 33 anyos ag ginpahayag it mga residente idto nga taga-Aklan.
Ulihi nga nakita ro eaeaki ku Sabado samtang raya hay nagalaba ag nakibot eun eamang ro mga taga-idto kat may nagapanimaho sa anang kwarto.
Insigida man nga ginrespondehan it mga kapulisan ro insidente.
Uwa segun it foul play sa kamatayan it persona bangud uwa raya it nina sa eawas ag intact ro tanan nga kagamitan.
Sa presente, padayon nga nakipag-angot ro kapulisan sa pamilya it persona sa Aklan./JIL B. LACSON
