Ginpahayag ni Kalibo Mayor Juris Bautista Sucro nga igapadyon nana ro mga programa nga gin-umpishan it nagtaliwan nga administrasyon sa pag-umpisa it anang termino.
Dugang pa nana, maabo imaw nga magiging plano sa pagpanami it banwa it Kalibo.
Sambilog eun dikara ro pag-institutionalize it HELPS – Health, Education, Livelihood, Poverty Alleviation and Sports Development – bilang sentro it anang lokal nga gobyerno bilang alkalde it Kalibo.
Ginatan-aw man it anang administrasyon ro local budget ag kung paano nanda ma-accommodate ro 300 job orders ag contractual workers.
Ginpaboran man ni Sucro ro temporaryo nga pagsaylo it mga stall holders it Kalibo public market ag ro rehabilitasyon kara./JIL B. LACSON
