Inilagay sa ‘alert status’ ang buong Philippine National Police (PNP) ilang araw bago ang inagurasyon ni President-elect Ferdinand Marcos Jr.
Ayon kay PNP spokesperson Col. Jean Fajardo, dapat umanong asahan ng publiko ang mas pinahigpit na seguridad para sa papalit na inagurasyon ng susunod ng pangulo ng bansa.
Aniya, ‘all systems go’ na ang lahat ng kapulisan para sa naturang oath taking ceremony lalo na sa National Museum kung saan ito gaganapin.
Samantala, nasa 6,000 ang idedeploy na mga pulis sa mismong araw ng pagtitipon kung saan ipapatupad din ang gun ban hanggang ika-2 ng Hulyo. (ARGIE ERGINA)
