Nais ituloy ni Senator-elect Raffy Tulfo ang drug war ng outgoing administration ngunit magfo-focus ito sa rehabilitasyon.
Ayon kay Tulfo, ayaw na niya itong maging madugo kung saan itutuon niya ang pagpapatayo ng rehabilitation centers para sa mga nalulong sa droga.
Hinimok niya ang susunod na administrasyon na dapat tanungin agad ang mga susukong drug addict kung willing umano itong pagparehab at kung gusto nitong tuluyang magbago.
Samantala, matatandaang inatasan ng International Criminal Court Pre-Trial Chamber ang ICC Prosecutor noong September 2021 na imbestigahan ang naturang drug war sa Pilipinas.
(ARGIE ERGINA)
