HUGOT nga nagapasalamat si Belinda Minalin, 44-anyos, usa ka Barangay Officer sa KaBrigadahan, taga Prk.Vista, Brgy.Sinawal ang nagpasalamat sa mga miyembro sa KaBrigadahan GenSan.
Kini tungod sa walay pagduha duha nga pagtabang kaniya dihang kini na-ICU tungod sa disgrasya asa nabuak ang baba niini ug kinahanglang operahan.
Samtang anaa sa ospital, ang community officer niini ang nangayo og tabang hangtud ngadto ni Dr. Pagarigan.
Unang gipangayo sa gidad-an kaniya nga ospital, mokabat sa P100,000 apan gitawagan si Dr.Pagarigan ug kini mitanyag nga siya ang mag-opera.
Asoy pa ni Belinda nga bisan piso wala kini nagastos sa pagpaopera ug nagpasalamat kang Dr.Pagarigan, tungod bisan tambal, gilibre pa kaniya.
Lakip gipasalamatan niini ang partidong AIM, si Atty.Art Cloma, Kagawad Mike Tanzo, mga miyembro sa KaBrigadahan GenSan ug si Brigada Elmer V.Catulpos.
Tungod matud sa nadawat nga tabang, nahimo kining naluwas gikan sa posibleng kamatayon, tungod kung sila lang matud pa, dili gayud nila kaya, sa sobra ka mahal sa singil sa pag-opera ug tambal.
