Nagbabala sa publiko ang Masinloc Fire Station laban sa mga scam transaction na ginagamit ang pangalan ng ilang kawani ng opisina.
Ang modus ay mag-oorder ng pagkain sa mga business establishments at ginagamit ang pangalan ni Fire Chief SFO3 Ramon Gutierrez at FO1 Nikko Valerozo.
Ayon sa Masinloc Fire Station, maliban sa pag-order ng pagkain, modus rin ng scammer na humiling pa ng load gamit ang iba’t ibang number.
Dahil dito, nagpaalala ang tanggapan sa publiko na huwag basta-basta maniniwala kung hindi pa nabeberipika ang mga transaskyon.
Kung sakali man umanong may kahina-hinalang order ay maaaring tumawag muna sa hotline ng Masinloc Fire na 09675277528 at 09614600793.//Jen Bayot-BNFM OLONGAPO
