ALL system go na ang Commission on Election (Comelec) sa pagpahigayon og eleksyon sa Lunes (May 9). Kini ang gibutyag ni Atty. Jose Villanueva, assistant regional director ug tigpamaba sa Comelec-12 duha kaadlaw bag-o ang piniliay.
Matud ni Villanueva, luyo sa ‘minor issues’ nga nasinatian sa pagpahigayon nila og final testing and sealing sa vote-counting machines (VCM) nga ilang gilayong naayo.
Wala na sila’y nakitang problema partikular sa technical nga aspeto alang sa taliabot nga eleksyon. Wala usab natala nga dakong election- related incident ang Comelec ug kapulisan gikan pagsugod sa local campaign.
Naglaom na lang si Villanueva nga mahimong malampuson ang eleksyon sa Lunes. Ang rehiyon-12 o Soccsksargen region ang 2.6 milyon ka mga botante nga gilaomang mobotar sa May 9. I Richel Gubalani
