73 ka mga bata, ang bag-ong nakabenepisyo sa Libreng Tuli sa Brigada

LAING ihap sa mga bata, edad 5-anyos pataas ang natuli sa 4^th batch sa Libreng Operation Tuli kauban ang partner nga Rotary Club ug Dadiangas ug si Dr. Edwin Valencia.

Naggikan sa nagkadaiyang barangay sa GenSan ang mga bata nga bag-ong natuli pinaagi sa KaBrigada Foundation ug KaBrigadahan GenSan ug sa tabang sa mga medical workers ug mga taga Brigada.

Ang mga makabenepisyo sa libreng tuli mao ang mga anak sa mga miyembro sa KaBrigadahan GenSan.

Matud sa usa ka inahan nga may bata nga gituli, dako ang pagpasalamat niini tungod dili na sila makagastos og libuan ka pesos sa pribadong klinika.

Samtang hugot gipasalamatan sa founder sa KaBrigadahan GenSan nga si Brigada Elmer V.Catulpos ang mga miyembro sa KaBrigadahan ug sa mga volunteers alang sa kalampusan sa libreng tuli.

BNFM Gensan