Nagapadayun ro ginahimo nga imbestigasyun it Kalibo PNP kaangot sa natabo nga insidente it pagpanakaw sa sangka apartment sa Brgy. Andagao, Kalibo, Aklan.
Base sa report sa Kalibo PNP it complainant nga sangka 41yo nga babaye, nabugtaw imaw kaina it alas 4:30 it kaaganhun ag nadiskubrehan nana nga nagakalat eon ro andang mga gamit sa sala.
Naduea man segun ro anang cellphone ag daywang pares it aritos o earrings.
Sa inisyal nga imbestigasyun it Kalibo PNP, posibleng umagi ro suspek sa second floor it apartment ag gumamit raya it master key para makasueod bangud owa it nakitang force of entry sa apartment it complainant.
Ginaboebanta nga sa P20,000 ro balor nga tinakaw sa complainant. / ANN DESLENE SALAZAR
