Gagamit ng mga makabagong paraan ang Local Comelec Office sa Olongapo para maipaalam sa publiko ang aktuwal na nangyayari sa canvassing ng mga boto sa gabi ng halalan.
Ito ay para maiwasan ang pagsisiksikan ng mga watchers, media at mga interesadong makita ang nangyayari sa canvassing na kadalasang ginagawa sa city o town hall.
Ayon kay Olongapo Election Officer Atty.Joie Macam, gagamit ng mga tatlong malalaking LED monitor ang COMELEC na makikita sa labas ng comelec, harap ng city hall at loob ng Rizal Triangle.
Liban pa dito, live ding mapapanood sa mga local tv stations at mga kilalang social media pages ang kasalukuyan at resulta ng canvassing.//Christian Andres-BNFM OLONGAPO
