Natagpuan ang isang granada habang naghuhukay ang isang construction worker sa pagtatayuan ng bahay sa Barangay San Pedro, Sto. Tomas City, Batangas kahapon ng Lunes, Mayo 2, 2022.
Ayon sa construction worker na si Garry Carandang, 40 anyos, tumambad sa kanya ang granada habang naghuhukay.
Sa imbestigasyon ng Sto. Tomas City Police Station, bandang 7:20 ng umaga ng ng matagpuaan ng nasabing construction worker ang granada habang naghuhukay ng lupa para sa pagtatayuan ng bahay na pagmamay-ari ng isang negosyante na residente ng Barangay San Pedro, Sto. Tomas City, Batangas.
Maswerte umanong hindi sumabog ang granada.
Sa ngayon, nasa kostudiya na ng Batangas Explosive Ordnance Disposal (EOD) ang naturang granada para sa proper disposition nito.
