LEGAZPI – Handang-handa na ang Commission on Elections-Bicol sa nalalapit na National and Local Elections sa Mayo 9, 2022.
Ayon kay Atty. Maria Juana Valeza ang Regional Director ng Comelec Bicol sa panayam ng Brigada News FM Legazpi, patuloy parin ngayon ang deployment ng mga vote counting machines sa mga presinto.
Nakatalaan ngayong araw Mayo 3 ang ‘final testing and sealing’ ng vote counting machines sa lalawigan ng Albay maging sa ibang probinsya gaya ng Catanduanes, Masbate, Camarines Sur at Camarines Norte. Ngunit sa lalawigan sa Sorsogon ay nauna na kahapon Mayo 2.
Samantala, mahigit sa 6,656 na mga Vote Counting Machines ang dumating at sinisiguro ni Valeza na hindi magkakaroon ng aberya o ‘malfunction’ ang mga VCMs sa araw ng eleksyon.
