Gin kaalarma it mga pasyente ag bantay it pasyente ru gulpi nga pagkasunog it power house generator sa sueod it Mission Hospital sa Brgy. Andagao, Kalibo, Aklan.
Sa initial nga report it Bureau of Fire Protection (BFP)-Kalibo, nag-umpisa ru sunog alas 5:40 kaina’t agahon rason nga eaging nag tawag ru staff it nasambit nga hospital sa mga otoridad.
Nag responde ru katapo it Bureau of Fire Protection (BFP)-Kalibo ag Kalibo Municipal Police Station sa lugar ag eagi man nga naapula ru kaeayo matapos ru 3 minutos.
Gin deklara it BFP-Kalibo nga under control ru sunog alas 5:43 it agahon.
Mkait-an nga gin guwa anay ru pilang ka mga pasyente sa lugar agud masigurado ru mga raya ingkasong mag-abo ru kaeayo.
Apang, eagi man ngin balik ru mga pasyente sa naga kasari-saaring ward matapos nga gin deklara it BFP-Kalibo nga fire-out eon ru lugar.//MARIVIC Y. ILIN
