Kinumpirma ng ilang steelworkers ng planta sa Mariupol City sa Ukraine na mayroon silang mga namatay at sugatang kasama sa pinagtaguan nilang bunkers.
Sinabi ni Capt. Svyatoslav Palamar na nasa Azov regiment na na-trap sila sa ilalim ng nag-collapse na building kung saan kasama ang mga natitirang sibilyan sa nasabing lungsod.
Nilinaw naman ni Palamar na habang nasa Mariupol pa ang kanilang grupo ay mananatili ang kontrol nito sa Ukraine.
Ito ay sa kabila ng kautusan ni Russian President Vladimir Putin sa kanyang tropa na sirain at selyuhan ang mga tunnel at workshops.
Matatandaan na ang pagkubkob ng Russian troops sa Azov port ay magiging mas madali ang pagpasok ng mas maraming tropa nito sa eastern part ng Donbas region ng Ukraine.
