Nahidangat na sa Northern Mindanao ang dugang 28,800 doses sa Coronavac-vaccine gikan sa kompanya nga Sinovac.
Matod ni Department of Health Northern Mindanao Regional Director Jose Llacuna Jr. nga prayoridad sa maong bakuna nga matupukan ang mga senior citizens o anaa sa A2 COVID-19 priority list.
Sa 28,800 nga doses sa maong bakuna, 14,400 niini ang gigahin alang sa second dose nga itupok sa mga senior citizens.
Lauman nga human niini, sunod sa listahan sa mga prayoridad ang mga anaa sa A3 sa priority list o adunay comorbidities o sakit nga gihambin.
