Muabot na sa 6, 904 ka mga senior citizens nga adunay gihambin nga balatian ang nabakunahan na sukad gisugdan ang COVID-19 vaccination rollout niadtong Abril 29 ning tuiga.
Gipahayag sa City Health Insurance Office – Data Management Task Group nga prayoridad karon sa vaccination ang mga senior citizens nga dunay kontrolado nga balatian, busa atol sa pagpre-register importante nga ideklara ang tinuod nga health status.
Kini aron masayran kung duna ka bay sakit sama sa cancer or malignancy, cardiovascular disease, cerebrovascular disease, chronic kidney disease, chronic liver disease, chronic respiratory disease, diabetes, hypertension, immunodeficiency state, neurologic disease, obesity, tuberculosis ug chronic respiratory tract infection.
Samtang, target sab nga bakunahan ang 80,000 ka mga senior citizens sa syudad, apan anaa sa kapin 16,000 pa ang nakapre-register.
