GILAUMAN ang pagdagsa sa mga tawo sa mga beach resort sa Gensan dungan sa pag-obserba sa taliabot nga semana santa.
Sa paglibot sa Brigada team sa usa ka beach resort sa syudad ang uban sa mga trabahante nangandaman na sa daghang magpa-book ug mangaligo sa dagat.
Samtang padayon usab sila nga nagabantay sa tanang tawo nga nangaligo.
Luyo niini, gipahimangnoan ang tanan nga sundon ang minimum health protocol magsoot og facemask pasulod sa mga beaches ug magdala og kaugalingong alcohol.
Bantayan usab ang mga bata nga kauban sa pamilya nga dili moadto sa lalom nga bahin sa tubig. Siguruhon ang pagbantay sa mga gamit aron dili mangawala labaw na kung daghang tawo. I Enamie Mogpon
