Tiniyak ng Philippine Drug Enforcement Agency na mayroon pang mga kasunod na drug testing na gagawin ang pamahalaan para sa mga tsuper sa bansa.
Ito ay kasunod ng sabayang Oplan Harabas kahapon sa mga piling lugar sa Pilipinas.
Ayon kay PDEA Zambales Provincial Officer Jigger Juniller, inuna lang ng mga otoridad ang mga bayan o siyudad na kilala sa pagkakaroon ng maraming drug personalities tsaka isusunod ang iba pa.
Matatandaan, sa ginawang Oplan Harabas sa bayan ng Subic, Zambales ay tatlo sa mga ito ang nagpositibo at umaming gumagamit ng ipinagbabawal na droga.//Christian Andres-BNFM OLONGAPO
