NAGPAHIMANGNO ang Commission on Election (Comelec) sa mga kandidato nga molikay usa sa pagpangampanya atol sa holy week partikular sa Huwebes ug Biyernes Santo.
Matud ni Atty. Jose Villanueva, assistant regional director ug tigpamaba sa Comelec-12 nga gipanawagan nilang ‘quiet period’ ang maong mga adlaw. Kini base sa Comelec Resolution No. 19429, asa nagpabawal sa kampanya gikan sa Abril 14 hangtud 15.
Giklaro ni Villanueva nga walay direktiba niini ang central office apan dunay resolusyon na nakalabay’ng mga eleksyon.
Molibot ang mga opisyal sa komisyon sa maong mga adlaw aron masiguro nga walay mangampanya.
Apan gipunto niini nga bisan paman walay balaud nga nagbawal niini angayang mahimong sensitibo ang mga mipapila ug moapela ang opisyal og delicadeza. I Richel Gubalani
