CAMARINES NORTE- Pinaghahandaan na ng Talisay PNP ang nalalapit na Semana Santa upang mapanatili ang kalinisan at kaayusan sa mga barangay na nasasakupan ng naturang himpilan ng pulisya
Nitong nakatalikod na araw ay nagkaroon ng mga aktibidad ang mga miyembro ng Talisay PNP sa pamumuno ni PCPT JOHN LAWRENCE M SABONG, Chief of Police kung saan nakiisa ang mga ito sa isinagawang dalawang (2) araw na Clean-up Drive, Road Clearing at Clean and Green Project na inorganisa ng Barangay Poblacion
Ang nasabing programa ay isa sa mga buwanang aktibidad na isinasagawa ng nasabing barangay na regular na dinadaluhan ng mga kapulisan bilang pakikiisa sa pagpapanatili ng kalinisan at kaayusan sa mga barangay
Ito rin ay isa sa mga paghahanda para sa nalalapit na Semana Santa 2022.
Maliban sa paglilinis ay naghandog rin ng “Libreng Sakay” ang mga kapulisan para sa mga nakiisa sa nasabing gawain.
