PADAYUN pa karun giimbistigahan sa kapolisan kung unsa ang hinungdan sa kamatayon sa usa ka 57-anyos human nakanaug sa gisakyang bus diha sa Westbound Terminal barangay Bulua ning siyudad sa Cagayan de Oro gahapon.
Giila sa Bulua Police Station 7 ang biktima nga si Jessie Saripa, 57-anyos residente sa Canaan, barangay Dansolihon ning siyudad sa Cagayan de Oro.
Matud ni Pcpl. Leis Orallo sa Bulua Police Station 7 nga gikan matud pa sa Misamis Occidental ang biktima og pag abot sa nasampit nga terminal kalit lang kining natumba.
Gidali pa kini pagdala sa mga personahe sa Oro Rsscue diha sa JR Borja hospital apan gideklara kining dead on arrival sa doctor.
Base sa kapolisan nga posibling giatake sa sakit ang biktima apan padayun pa kining gisuta sa mga otoridad.
