Magahiwat ro Regional Security Civil Security Unit 6 (RSCSU) it 2-day Licensed to Own and Possess Firearms (LTOPF) sa Abril 1 ag 2 sa SM City, Mandurriao, Iloilo City.
Ro mga requirements agud marehistro ro mga armas hay NSO Birth Certificate; Proof of billing; National Police Clearance; Valid ID; Gun safety seminar ag ro application form.
Pagahiwaton man sa mall ro drug test ag neurological exam.
Base sa data it RSCSU 6, may 28,794 ka mga firearm owners sa Western Visayas ro uwa pa nakapa-renew it andang lisensiya.
Dugang pa it taeapan sa mga tag-ana it mga armas, indi eun paghueataon nga madakop pa sanda sa mga pagahiwaton nga police operations sa pag-eapas sa Republic Act 10591 o Illegal possession of firearms./JIL B. LACSON
