LAING dapit ang giduaw sa partidong AIM adlaw nga Martes, Marso 29, 2022 sa buntag.
Managlahi ang reaksyon sa mga katawhan nga naagihan sa mga kandidato gumikan adunay nakaila na sa mga kandidato samtang ang uban wala pa nakakita personal.
Usa sa nigawas sa ilang balay sa Sunrise Subd., Brgy. Lagao mao si Joel, sumala ni Joel nga naa na siyay napulsohan nga mayor, ang kandidato nga aduna nay nahan-ay nga plano unya aduna nay natabangan nga wala pa nakalansar.
Giganahan usab siya sa Gensan Dream ug nagapanghinaut nga matuman kay siya aduna usab damgo alang sa kabag-uhan sa Gensan, sa iyang obserbasyon unang kandidato sa pagka mayor sa partidong AIM ang nagpakita og saktong plano ug handom.
Kon ikumpara daw niini sa naandan, ang mga politiko moadto sa ilang dapit unya maghatag gamay nga hinabang unya magsaad nga magsaad apan dili matuman.
Usa ka nagpangalang Jasmine nag-atang sa gawas sa ilang gate nga kawayan kuyog ang anak samtang naga-andam sa ilang pamahaw ang iyang bana, sumala niini nga nailhan na niyang daan silang Brigada Elmer Catulpos, Atty Kan ug Dyll Bartolaba kay iyaha daw nga mga idol.
Nalipay daw siya ug nagapanghinaut nga matuman ang handom sa katawhan. Samtang naulahi ang usa ka driver pabor usab kini nga magbag-o na og mayor, dili usab kini mag-demand kon unsay iyang gusto nga himuon sa makadaug sa election.
