SORSOGON CITY – Pahihintulutan na ang pagsagawa ng contact sports gaya ng basketball at iba pa sa lungsod ng Sorsogon.
Batay ito sa pinakabagong Executive Order na inilabas ng City Government na may titulong ‘’An Order Authorizing the Opening of Sports Facilities and Allowing Sports Activities in the City of Sorsogon.’’
Kaugnay nito, papayagan nang magbukas ang mga sports facilities simula sa unang araw ng Abril.
Nakapaloob din sa kautusan na panatilihin pa rin ang pagsunod sa minimum public health standards.
Naging batayan ng EO ang pagiging Covid free na ng lungsod gayundin ang pagkaabot ng 80% vaccination rate ng target population ng lungsod.
