Bangud sa pagluwag it mga ginpatuman nga mga travel protocols sa bieog nga mga nasyun, padayon man nga nagabalik ro kabaskog it turismo sa isla it Boracay ag nadugangan man ro mga establisyemento nga accredited it Department of Tourism.
Dugang pa dikara, padayon man ro pagdagsa it mga tursita sa sikat nga tourist attraction ag nagaabot sa haeos 4 hasta 6 libo ro mga bisita nga nagasuoed sa Boracay kada adlaw.
Sa minatuod, haeos umabot eun sa 80 libo ro mga nagbakasyon sa Boracay nga ginakaeakipan it domestic ag foreign tourist./JIL B. LACSON
