NAGA CITY- Pinasok ng magnanakaw ng opisina ng San Isidro Development Cooperative sa J. Miranda avenue Brgy. Concepcion Pequeña, Naga City.
Pagbukas ng COOP na pinangangasiwaan ni Mark Henry Ecom, 36-anyos residente ng San Alfonso Pacol parehong lungsod nitong Lunes , nadiskobre ng empleyadong si Sheryl Plantado y Ramboyon na pinasok ang kanilang opisina ng hindi pa nakikilalang suspek.
Sinira ang pintuan sa likod ng nasabing opisina, binuksan ng suspek o mga suspek ang lahat ng drawer at cabinet. Kinuha ang cash na humigit kumulang P 120,000.00, tinangkaang buksan ang Volt Box ngunit hindi nagtagumpay.
Ang imbestigador ng Police Station 2, Naga kasama ang Theft and Robbery Unit ay agad pumunta sa nasabing lugar at nagsagawa ng operasyon para sa posibleng pagkakakilanlan sa responsable sa panloloob.
