Pila sa mga tricycle driver sa Kalibo, Aklan, ro nagareklamo sa bukon it patas nga fare rate sa lugar kapin pa kara kung siin ginabatyag ro pagtaas it gasolina ag presyo it mga piyesa it tricycle.
Ku kan-o eamang, gin-aprubahan it Sangguniang Bayan it Kalibo ro Ordinance No. 2022-055 nga naga-regulate sa operasyon it mga tricycle ag pag-ayos it mga pamasahe bilang sabat sa Covid-19 pandemic.
Pero pila ka mga tricycle associations sa Barangay Poblacion ro uwa nagpabor sa bag-ong fare rate.
Matandaan nga naisturyahan sa pila ka mga pampublikong hearing sa 16 ka mga kabarangayan ro mga petisyon it tricycle drivers para sa panibag-o nga pamasahe bago pa raya naisturyahan it mga miyembro it Sangguniang Bayan.
Ginkwestiyon it pila ka tricycle driver ang bag-ong fare rate sa Barangay Poblacion hasta sa magkaeapit barangay it Andagao ag Estancia.
Ro commuting public hay nagapangayo it ginpanaba nga mga rate it pamasahe bilang sambilog nga paagi agud makayanan ro pandemya. Pero pila ka mga tricycle driver ro nagbalibad nga ro pagnaba it pamasahe sa tricycle hay makaapekto sa andang pang-adlaw-adlaw nga kita./JIL B. LACSON
66
