KORONADAL CITY — HINDI na nakapagtala ng panibagong kaso ng Covid-19 ang South Cotabato Rehabilitation and Detention Center o SCRDC.
Ito ang kinumperma ni OIC Jail Warden Lory Celeste sa panayam ng 95.7 Brigada News FM Koronadal.
Ayon kay Celeste, may nakahandang tatlong selda sa loob ng jail na paglalagyan ng mga presong makikitaan ng sintomas ng Covid-19.
Sa ngayon, mahigpit pa rin umano ang kanilang mga panuntunan upang mapanatiling walang kaso ng Covid-19 sa loob ng provincial jail.
Matatandaan na noong nakaraang taon, daan-daang mga preso ng provincial jail ang nahawa sa Covid-19.
