Dead on arrival sa ospital ro sangka eaeaki matapos raya nga maatrasan it pison kainang agahun sa Caticlan Jetty Port Malay, Aklan.
Ginkilaea ro biktimang si Stephen Sajise 31yo ag residente it Brgy. Habana, Nabas, Aklan samtang ro driver it pison hay ginkilaea nga si Joan Segura 32yo nga taga Cabatuan, Iloilo.
Sa report, gina-guide it biktima ro driver it pison para ikonekta ro linya it back hoe para umandar, pero aksidente nga naatrasan it pison ro biktima rasun it kamatayun kara.
Sa makarun hay sa kustodiya eon it Caticlan PNP ro driver it pison. / ANN DESLENE SALAZAR
