Arestado ro 200 ka mga persona kaeakip ro alkalde it Ferrol, Romblon nga si Mayor Jovencio Mayor Jr. sa illegal cockfighting sa Tubigon Square Garden Ferrol, Romblon.
Ginhiwat ro nasambitan nga operasyon it Criminal Investigation Detection Group-Romblon (CIDG), Ferrol Municipal Police Station, ag Romblon Provincial Mobile Force Company.
Matandaan nga presente ginpaidaeom ro Romblon sa Alert Level 3 kung siin sambilog sa ginabawae nga aktibidad hay ro cockfight o bueang.
Base pa kay PNP Chief General Dionardo Carlos, nag-violate ro mga nadakop sa IATF Resolution No. 159-A series of 2022 ag Cockfighting Law of 1974 as amended by Presidential Decree 1602.
Nakumpiska sa lugar ro bet money, gambling paraphernalia ag buhi ag patay nga mga manok./JIL B. LACSON
