IBALIK ang barangay quarantine batok ASF aron dili mokatag sa GenSan ang sakit sa mga baboy.
Kini ang sogyot ni Kagawad Richard Atendido, chair sa Committee on Agriculture sa konseho human sa preventive culling nga gihimo sa purok San Lorenzo, Brgy. Apopong.
Gawas sa barangay, sogyot sa konsehal nga pakusgan pa ang mga checkpoint pasulod ug pagawas sa mga boundary sa GenSan sama sa gihimo kaniadtong nagsugod ang ASF sa pagkatag sa ubang lugar sa nasud.
Una nang gikumpirma ni Kapitan Paolo Natividad sa gihimong laboratory result sa DA sa GenSan sa sample nga gikuha sa mga baboy sa maong lugar nga positibo sa African Swine Fever o ASF.
Samtang gikabutyag usab ni Atendido nga milabyang mga tuig, aduna usay gihimong preventive culling sa mga baboy sa area sa Brgy.Conel.
Nasayran nga usa ka billion peso industry ang hog industry sa GenSan ug ikaduha nga supplier sa baboy sa tibuok nasud.
