Itinaas sa Alert Level 3 ang anim na mga probinsya sa bansa, mula Jan 28 hanggang sa Feb. 15, dahil sa mataas na bilang sa kaso ng COVID-19.
Kabilang sa listahan ay ang Palawan, Camiguin, Davao Occidental, Dinagat Islands, Tawi-Tawi, at Sulu, na una nang nasa ilalim ng Alert Level 2.
Kaugnay nito, pinapayagan naman ang intrazonal at interzonal travel sa ilalim ng Alert Level 3, pero subject sa restrictions na ipinapatupad ng mga local governments.
Sa gitna nito, ibinaba rin ang operasyon sa ilang mga establisyemento at tourist attractions sa 30% indoor at 50% outdoor capacity.
Hindi rin pinapayagan ang contact sports at entertainment activities, maging ang face-to-face o physical classes, maliban kung ito ay aprubado ng IATF. //MHEL PACIA-TRINIDAD
