Nagpahayag ng hinaing ang isang grupo tungkol sa kasalukuyang patakaran ng gobyerno para sa mga hindi bakunadong indibidwal laban sa corona virus disease.
Ayon kay Alex Hermoso, tagapagsalita ng Citizen’s Action For Health And Human Rights Protection, hindi anti-vaccine o anti-government ang kanilang grupo.
Ang ipinaglalaban lamang umano ng samahan ay ang karapatan ng bawat isa na magdesisyon kung nais ba o hindi magpabakuna ng isang tao.
Paliwanag nito, walang malinaw na nasasaad sa batas na hindi pinapayagang makasakay sa pampublikong sasakyan o makapasok sa mga establishemento ang taong hindi bakunado.
Samantala, kaugnay nito ay umaasa ang Citizen’s For Health And Human Rights Protection na mapapakinggan ang kanilang ipinaglalaban na maiwasan ang diskriminasyon.//Jen Bayot-BNFM OLONGAPO
