May 136 ka mga miyembro it Philippine National Police (PNP) ro may mga pamilya sa andang areas of assignment nga presente nga nagadaeagan para sa mga local elective posts makarang May 9, 2022 elections.
Na-relieve sanda sa andang mga post ag pagataw-an it maeayo nga mga assignment.
Base pa kay Police Brigadier General Flynn Dongbo, direktor it Police Regional Office 6 (PRO-6), gusto isugrado it taeatapan nga ro andang mga police personnel hay mapadayon nga non-partisan.
Sa report, ro mga numero it mga na-relieve nga mga kapulisan sa rehiyon hay masunod:
* Aklan – 24
* Capiz – 23
* Antique – 20
* Guimaras – 6
* Iloilo – 36
* Negros Occidental – 27./JIL B.LACSON
