Aminado ang National Grid Corporation na natatagalan ang pagpapanumbalik ng kuryente sa ilang lugar na tinamaan ng Bagyong Odette dahil sa ilang mga balakid sa kanilang operasyon.
Sinabi ni NGCP spokesperson Cynthia Alabanza na kabilang na rito ang masamang panahon, road blockages, kakulangan sa komunikasyon at gasolina, at dahil na rin sa ilang tauhan nito na kasama sa mga sinalanta ng bagyo.
Ipinunto rin niya na napakaraming linya ng kuryente ang naapektuhan na tinatayang aabot sa 95.
Ipinaliwanag ni Alabanza na kailanga nilang isa-isahin ito sa pamamagitan ng line patrol o aerial patrol.
Iginiit rin niya na nakakatagal sa kanilang operasyon ang assessment sa naging pinsala.
