Naka angkon it kasakitan sa kaeawasan ru driver ag pasahero it tricycle bangud sa impact matapos aksidenting mabanggaan it kotse sa Mabini St., corner F. Quimpo St., Pob. Kalibo, Aklan.
Sa imbistigasyon it Kalibo MPS, nakilaea ru driver it naka banggang kotse nga YUNDAI kulay itom nga si Jay Paul Centina, 21 anyos it Brgy. Marianos, Numancia.
Gina maneho ru tricycle ni Jayson Dela Cruz , 39 anyos ag residnete it Brgy. Estancia Kalibo.
Karga it tricycle ru pasahero nga si Giovanni Perucho , 46 anyos it Brgy. Andagao, Kalibo.
Sa settlement it kada panig sa Kalibo MPS, nag promesa ru driver it kotse nga paga atubadngon ru tanan nga baeayran ag kasamaran it tricycle.//MARIVIC Y. ILIN
