Nag abot sa P60 milyon ro inisyal nga pagboebanta it kahalitan sa mga baeay ag agrikultura sa probinsya it Antique bangud sa super typhoon “Odette”.
Base sa pamunuan it Provincial Disaster Risk Reduction and Management Office (PDRRMO), nailista ro P41 milyon sa mga nasamad nga baeay ag P18.5 milyon sa agrikultura.
Ro numero it totally damaged nga mga baeay hay sumaka sa 435 kahapon, samtang ro partially damaged hay 4,844.
Ro mga banwa nga naka report nga may mga nawasak nga baeay hay ro Hamtic, Belison, Anini-y, Sibalom ag Culasi.
Posibleng tumaas pa ro numero it mga nasamad nga panimaeay bangud ro banwa it Tobias Fornier hay owa pa nakasumite it report sa PDRRMO. / ANN DESLENE SALAZAR
