Lumikas na ang 6,310 na indibidwal mula sa 1,997 pamilya sa Dinagat Island ng Caraga region matapos itaas ang Tropical Cyclone Wind Signal (TCWS) No. 3 dahil sa banta ng pananalasa ng bagyong Odette.
Sinabi ni Governor Arlene Bag-ao na nagsagawa na sila ng forced at preemptive evacuation operation, bago pa nag-landfall ang bagyo sa probinsya.
Mababatid na isa lamang ang Dinagat Islands sa walong lugar na may nakataas na TCWS No. 3.
Samantala, inihayag ng gobernador na tatlong araw na rin ang lumipas mula nang masuspindi ang sea travel sa probinsya dahil sa pagtaas ng mga alon.
