Padayon ang gilusad nga hot pursuit operation sa Tugbok Police Station sa kaso sa usa ka negosyante nga gisulod sa iyang balay ug didto gipusil patay sa Deca Homes, Tugbok District, Lunes sa gabie.
Una niini, kali na lamang misulod ang wala mailhing suspek sa balay sa biktima nga si Vibue Tahid Luzon, 37 anyos nga risdente sa Panabo City.
Wala matud pay nahimong komosyon ug kalit na lang gipusil sa suspek ang nawong sa biktima ug ubang parte sa lawas nga maoy mitsa sa iyang kamatayon.
Paspas misibat ang suspek nga gihulagwayng anaa sa 5’3 hangtod 5’4 ang katas-on, nagsul-ob og sweat shirt nga kolor yellow kung diin narekober sa crime scene ang 2 ka basiyo sa gituohang .45 nga kalibre sa armas.
Nasayran usab nga kanhing nabilanggo ang biktima tungod sa iligal nga droga niadtong 2015 apan nakagawas tuig 2019 apan padayon pa nga giistablisar sa kapulisan ang posibleng motibo sa krimen.BNFM-DAVAO
