Tiniyak ng Malacañang na handa ang gobyerno mula sa pagdating ng Tropical Storm “Rai” oras na pumasok ito sa Philippine Area of Responsibility mamayang gabi.
Ayon kay acting presidential spokesperson Karlo Nograles, ginagawa na ng National Disaster Risk Reduction and Management Council ang lahat ng kinakailangang preparasyon para siguraduhing magiging ligtas ang publiko mula sa bagyo.
Sinabi rin ni Nograles na nahanda na rin ang resources ng Department of Social Welfare and Development para sa disaster response.
Nakiusap naman ang gobyerno sa lahat ng mga nakatira sa mga apektadong lugar na sumunod sa mga lokal na otoridad sakaling kailanganin ang evacuation.
