Nagapahaom ro isla it Boracay sa pag-umpisa it international inbound tourism enkaso nga pagasugtan eun it gobyerno ro pagsueod it mga fully vaccinated nga mga turista halin sa mainland China, Taiwan, Japan, Hong Kong ag South Korea.
Sa pinakaulihi nga statisitics, nareport ro pagtaas it numero it mga turista nga nagabakasyon sa Boracay.
Sa datos, naka- accommodate it 15,601 ka mga bisita halin Disyembre 1 hasta 5 ro isla, bangud dikara mas ginaasahan pa ro mabahoe nga numero it mga tursita makarang paskwa ag bag-ong dag-on.
Base kay Chief Tourism Operations Officer Felix Delos Santos ro mga biyahero hay mahugot nga ginpaandaman nga pagasundon ro minimum health protocols agud malikawan ro COVID-19 transmission./JIL B. LACSON
